اولا في شوية حاجات لازم نكون عارفينها
و في خطوات معينة لكل انترفيو
و طبعا التوفيق دة من عند ربنا احنا بس نعمل اللي علينا
ثانبا
اول لما بتدخل الانترفيو بتسلم علي اللي بيعملك الانترفيو ... السلام بيكون فورمال يعني
ممكن بيديك لمحة بسيطة عن الوظيفة المتقدم لها و معلومات عن الشركة و ممكن يبدا يسالك علي طول
( خلي الاسئلة شوية بس ) نتكلم عن طريقة كلامك و قعدتك و طريقة الرد
ايوة لأن كل دة مهم جدا جدا
بعد لما يخلص هيسألك عندك اي سؤال ( لازم دايما تكون محضر اسئلة) و هنقول امثلة كمان شوية
هيقولك اية اللي هيحصل و هيردوا عليك ف خلال اد اية و ينهي المقابلة
متنساش تشكرة علي وقتة زي
ثالثا
خلال الانترفيو في حاجات لازم تخلي بالك منها
1- خليك واثق من نفسك و مستعد كويس و كمان متفائل
2-لازم يكون عندك معلومات كويسة عن الشركة زي جنسيتها عملائها المستهدفين بتشتغل ف اية بتقدم خدمات اية و منتجاتها اية كمان تكون
عارف المنافسين و مقر الشركة الرئيسي و حجم الشركة و فروعها
3-تعرف الوظيفة اللي انت مقدم ليها و تعرف هيا محتاجة اية كويس و تعرض نقاط القوة ف شخصيتك اللي تخليك افضل مرشح
4-تسمع اللي قدامك كويس اوي و تركز ف الاسئلة و في المعلومات اللي بيقولها
5- البنات مسموح لهم بالجلوس و انهم ( يحطوا رجل علي رجل) الولاد لأ ... مش تفرقة عنصرية و الله :)
6- الولاد بيكونوا فورمال او لابسين بدل اكيد لمل يقعدوا هيفتحوا زراير البدلة
7- و لما يقوموا العكس
8-لازم
تبص ف عين اللي قدامك مينفعش تبص ف الارض او تسرح ف حاجة لوحة مثلا علي
الحيطة او تسريحة البنت اللي بتعمل الانترفيو او اي حاجة ملفتة للنظر
خااالص
9- لو هما 2 او اكتر من واحد....
ترد علي اللي يوجهلك السؤال و ترجع تبص للباقين و انت بتتكلم و تنهي كلامك عند اللي وجة السؤال
لازم تبصلهم كلهم و انت بتتكلم
10- مينفعش التهتهة في الكلام خد وقتك و خد نفس عميق و رتب افكارك و
رد
11- تجنب الاجابات القصيرة او الرد المبهم بردة تجنب الاجابات الطويلة اوي عشان متوهش منك الفكرة و متزهقش اللي قدامك
12- لما تيجي تقعد علي الكرسي متقعدش علي طرف الكرسي لان دة بيدل علي انك مش مرتاح و قلقان
كمان متربعش ايدك لان دة دليل عدم الثق.. بردة مطرقعش صوابعك و لا تعض شفايفك و لا تقرقض ضوافرك
13-
تقعد علي الكرسي و تفرد ضهرك و تحط ايدك مفرودين علي رجليك و متحاولش تحط
ايدك علي المكتب او الترابيزة و بالنسبة للبنات متحطيش شنطتك بردة علي
المكتب
14- ممكن و انت بتتكلم تعبر باديك بس مش اوفر عشان بيكون عيب
رابعا
الاسئلة اللي ممكن تتسألها ف اي انترفيو
هحاول اكتب اكبر قدر من الاسئلة و هحاول اكتب نرد ازاي و نقول اية و منقولش اية
و لازم نتفق علي حاجة مهمة اوي
يعني حاول تاخد 5 دقائق ترج علي السؤال دة و تحاول تقول انجازاتك المهنية و مهاراتك
ابتدي الاجابة قول اسمك و سنك و متخرج منين و اشتغلت فين قبل كدة و خبرتك و البوزيشن بتاعك ف اخر شغل و مهامك الوظيفية كانت اية
و مديرك الرئيسي و كنت مدير علي كام واح وكدة يعني
حاول تقول مواصفاتك الشخصية و خبرتك المتوافقة مع هذة الوظيفة
السؤال دة بقي من اسهل الاسئلة و بيخلي الكورة ف ملعبك زي ما بيقولوا
تقول بقي انك افضل مرشح و انك عندك المقومات اللازمة للوظيفة دي زي .... و ... و ...
علي
حسب الوظيفة طبعا يعني لو وظيفة manager هيكون عندك team leading ability و
لو entry level انك مثلا can perform really well within a team
و انك هتضيف كتير للشركة لانهم اكيد محتاجين حد hard worker and deviated which is you
انك
بردة سريع التعلم و عايز تثبت نفسك و هية دي الوظيفة اللي انت شايف نفسك
فيها و اكتر وظيفة ممكن تلائمك عشان كدة هتبذل اقصي مجهود
حاول
تقول نقاط القوة اللي ف شخصيتك اللي ليها علاقة بالوظيفة أو المنصب المتاح
و حاول دايما تقول أدلة واقعية من واقع خبرتك المهنية يعني لو أنت ... دة
يخلي الشخص اللي قدامك يتأكد من كلامك و يثبت ف مخه
لما تتكلم عن نقاط ضعفك متقولش أبدا أن معندكش بس متقولش حاجة تأثر عليك سلبيا
ممكن أوي تبدأ كلامك كده
مينفعش مثلا وظيفة خدمة عملاء و تقول إنا عصبي
خلي بالك و أنت بتتكلم عن نقطة ضعفك تكون مشكلة أنت بالفعل أتغلبت عليها و تتكلم في زمن الماضي
أولا
متقولش بس انك بتدور علي المرتب الكبير لأن ده يدل انك مش مهتم بالمسار
الوظيفي بردة لازم متكذبش لو أنت كنت سيبت شغلك لأي سبب من الأسباب
لازم تكون تعرف شويت حاجات عن الشركة عشان تعرف تجاوب كويس .. مش كفاية تقول أنها شركة كبيرة و محترمة
ممكن تقول مثلا
حاول
تعتبر انك اشتغلت 5 سنين و شوف اة مستقبل الوظيفة ديي بعد المدة دي و قول
كدة يعني لو مندوب مبيعات ممكن ف خلال 2 -3 سنين تكون مشرف و فخلال 5 تكون
مدير للمبيعات قول دة
لازم بجد تتكلم من واقع خبرتك خد وقتك و فكر ف موقف تكون اتصرفت فيه كويس أو مشكلة و أنت حليتها أو مديرك ماكنش موجود و حليت مكانة
حاول دايما تكون محضر كذا موقف قبل الانترفيو
الأسئلة دي بتكون دردشة عادية جدا عشان يسمع اللغة بتاعتك و عشان يشوف ثقافتك و background بتاعتك
حاول تقول معرفتك بالكومبيوتر حتي لو قليلة حتي لو يادوبك بتوصل الراوتر و تكتب كام ورقة علي word
بس لازم تميز نفسك و تخلي فيك حاجة زيادة عن أي حد متكذبش بس متستألش بالمهارات البسيطة دي
بجد
يفضل الإجابة مش بس اة او لا حاول تاكد علي كلامك قول أصعب مرة اتحطيت تحت
ضغط و أمتي نقلت مكانك أو سيبت تيمك و اديت كويس قول انك بتحب الضغط عشان
بيدفعك للأمام و بيشجعك
حاول تكون هادي في جميع الاحوال سواء عميل او زميل ليك او حتي مديرك في حالة انه يكون عميل حاول تتبع الخطوات دي بالفعل و تقولها
و لو زميل ليك او مديرك خليك هادي و اعترف ب غلطك و صلحة و خليك مبتسم
السؤال
دة بجد كان من اصعب السئلة مع انة بسيط بس انا ساعتها معرفتش اقول حاجة
خاالص و كان انترفيو ف فودا عشان سمر ترييننج 2008 بس في كلام كتير اوي
يتقال
يعني الكواليتي هو مقياس أي خدمة او سلعة مقدمة اللي تخليك تحكم عليها سواء كويسة او وحشة
متقولش ابدا انا هاخدهم و اقعد ف البيت اصرفهم دي مش اجابة مهنية علي الاطلاق
حاول تقول انك هتستثمرهم بحيث المليون يبقي اتنين
شوف حاجة تكون بتفهم فيها و قول هعمل بيهم كذا
Introduce your self ??
اسمى
(----) عندى(-----) خريج من (-) ساكن فى (----) ااشتغلت قبل كده فى
(--------) / والدى بيشتغل (-----) وامى بتشتغل ( -) واخى بيشتغل ( ---
ليه سبت شغلك اللي قبل كدة...
لازم
اقول حاجة مش موجوده فى الشغل القديم وموجوده فى الشغل الجديد مثلا( عشان
هتعلم فى الشركة دى اشياء جديده هتساعدنى انى احقق طموحاتى
تعرف ايه عن خدمة العملاء؟
اعرف
انها اهم قسم فى الشركة يعنى مثلا لو عميل واجهتة مشكلة مع المنتج ايه اول
حاجة هيعملها , طبعا هيكلم خدمة العملاء ودورى انى افضل معاه لما يحل
المشكلة ولاز كمان اتوقع المشكلة قبل حدوثها زى مثلا لو حد كلمنى من اسوان
وعنده مشكلة وحد تانى كامنى من اسوان وعنده نفس المشكلة فاكيد هناك فى
مشكلة وهبتدى ابلغ التيم ليدر بتاعى او المسئول عن الشبكات لانى قرات فى
النت ان من كل 100 عميل فية 3 بس هما الى بيتصلو بخدمة العملاء وبيشتكو
والباقى بيسيبو المنتج.
ليه عايز تشتغل فى خدمة العملاء؟
لازم
اقول اجابة سوال (تعرف ايه عن خدمة العملاء) وبعدين اقول مواصفات الشخص
الى بيشتغل فى خدمة العملاء زى ودود ومثقف وصوتى واضح واسلوبى كويس وهادى
وخدوم ودورت جوايا ملقتش نفسى غير فى خدمة العملاء
أذكر ثلاث عيوب فيك وصلحتهم؟
مكنتش
منظم فى اهدافى يعنى كنت بقدم المهم على الاهم وكنت عايز اتعلم كل حاجة فى
وقت واحد لكن الحمد لله نظمت نفسى وافكارى 2_ وكنت مستعجل لما كنت بدخل فى
كورس كنت عايزه يخلس من قبل ما يهدى لكن نظمت افكارى وقرات عن التفكير
الصحيح 3_ مكنت بحب اشتغل فى تيم لانى مجربتش لكنى دلوقتى اتمنى ذلك
ايه الى يجبرنى انى اختارك؟
عشان
انا ودود ومثقف وصوتى واضح واسلوبى كويس مع الناس وخدوم وغير كده انا اقدر
اشتغل تحت اى ضغت وقدر اتعامل مع اى مستوى من مستويات الادارة وبتعلم
القواعد بسرعة وممكن اكون مش احسن واحد اتقدملك لكن انا احسن واحد ممكن
اشتغل
شايف نفسك ايه بعد خمس سنين
انا
عندى اهداف حاليا اول شىء انى انجح فى الانترفيو وتانى انى اكون تيم ليدر
وتالت( ممكن اكلم عن اى شئ نفسى احققة فى المستقبل او احلامى المستقبلية)
لو عميل غضبان اتصل بيك هتتعامل معاه ازاى؟
اكيد
طبعا العميل ده غضبان عشان عنده مشكلة ومش عارف يحلها ولازم اتفهم كده لان
ولازم امتص غضبة و مش هسيبة غير لما مشكلتة تتحل وكمان لو المشكلة دى
هتتحل مثلا فى اكتر من يوم لازم اتابع معاه لحد لما اتاكد ان مشكلتة اتحلت
ومستحيل طبعا اغضب من عميل غضبان لانى هحت نفسى مكانة ولو كنت مكانة اكيد
كنت هزعل زيه بظبط.
خدمة
العملاء هي المرحلة الأساسية في أي شركة محترمه ، الأمر الذي يجعل العلاقة
بين العملاء وشركته أفضل بكثير من العاملين معه من طريقة مثالية للوصول
إلى رضاه وهناك ثلاثة أنواع من مجال خدمة العملاء عن طريق الهاتف أو وجها
لوجه
لاني
لدي مهارات شخصية لي مؤهل لهذه المهمة مثل "مهارات التواصل الجيد ومستمع
جيد ، مؤنس ، ودود ، هادئ، مثل لمساعدة الناس ولدي القدرة على العمل في
فريق العمل
أنا شخص منظم ، وشخص يمكن الاعتماد عليها ، والعامل الثابت ، والهدوء ، ولدي القدرة على العمل تحت الضغط ،
و القدرة على حل المشكلات
ــــــــــــــــــــــــــــــــــــــــــــــــــــــــــــ
أحب أن أتعلم اكثر من شئ في نفس الوقت ، وهذا يجعلني افقد التركيز على تعلم شيئا واحدا أو أكثر بعناية
وسأحاول أن اهدئه من خلال الاستماع اليه بعناية ، والتحدث معه بطريقة مهذبة
-- سأكون مستمعا جيدا له
-- ادعه يشرح كل المشكلة لي
-- سوف اتخذ خطوات لحل هذه المشكلة ، واتابع مع العميل حتى تحل المشكله واصل الي رضاه
-- بعد ذلك سوف تتخذ كل ما عندي من الخطوات لتجنب هذه المشكلة في المستقبل
ــــــــــــــــــــــــــــــــــــــــــــــــــــــــــــ
الاستماع الجيد ، والتركيز والصبر والدقة في معاوماتي
ــــــــــــــــــــــــــــــــــــــــــــــــــــــــــــ
أنا في حاجة إلى أن اكون غاية طلاقة في تحدث اللغة الإنجليزية من أجل تحقيق أهدافي
ــــــــــــــــــــــــــــــــــــــــــــــــــــــــــــ
النجاح في عملي والترقية في الوظائف
ــــــــــــــــــــــــــــــــــــــــــــــــــــــــــــ
كلاهما يهدف إلى تلبية احتياجات العملاء
ــــــــــــــــــــــــــــــــــــــــــــــــــــــــــــ
-- وجها لوجه
2 -- عن طريق الهاتف
3 -- العلاقات العامة
ــــــــــــــــــــــــــــــــــــــــــــــــــــــــــــ
يحدوني الأمل في الحصول على أعلى المناصب والترقيات في عملي كقائد الفريق ، سواء في خدمة العملاء أو إدارة التنمية البشرية
وذلك
لأنني سوف لا اكتفي بالعمل فقط ، ولكن سأحاول أن اخد المزيد من الدورات
التدريبية التي سوف تساعدني على النجاح والابتكار في المجال الذي أعمل فيه ،
ومن ثم الوصول إلى أعلى المناصب
ــــــــــــــــــــــــــــــــــــــــــــــــــــــــــــ
أن يكون ودود ومستمع جيد وهادئ و لطيف و ومؤنس
==.==.==.==.==.==.==.==.==.==.==.==.==.==.==.==
و دى كل اسئلة الانترفيو خدمة العملاء و الإجابه عليها
==.==.==.==.==.==.==.==.==.==.==.==.==.==.==.==
أول حاجه هاتروحوا هناك تملئوا أبليكاشين و تنتظروا شويه
بعد كده هاتخشوا تعملوا إنترفيو
هاتكلمك اول سؤالين تلاته إنجليش عشان تقيس مستواك فى اللغه وبعدها هاتكمل عربى
فى البدايه هاتقولك عرفنى مختصر عن نفسك ؟او كلمنى عن نفسك؟
هاتقوم انت راصص السى فى بتاعك علشان كده المفروض تبقى حافظه زى إسمك
بعد كده هاتقولك تعرف إيه عن خدمة العملاء؟ هاتقولها
قسم
خدمة العملاء فى اى شركه هو من اهم وأقضل الأقسام فى الشركه عشان هو
المسئول عن حل مشاكل العملاء والإجابه على إستفساراتهم و نجاح اى شركه او
فشلها بيتحدد من نجاح فريق خدمة العملاء لانه هو المسئول عن ؤاحة وخدمة
وإرضاء العميل
هاتقولك
طب ليه حابب تشتغل فى خدمة العملاء؟ هاتعرفها إنك حابب القسم ده جداً لانك
بتحب مساعدة الناس و حل مشاكلهم و الوصول لحلول مرضيه للجميع
هاتقولك طيب تعمل إيه لو عميل كلمك وهو متنرفز؟
هاتقولها هاحاول اعرف منه سبب المشكله وأخليه يهدىء الأول و نحل المشكله إللى بتواجهه
هاتقولك طيب لو إتنرفز عليك أكتر وشتمك؟؟
هاتقولها
ان العميل لما إتنرفز او شتم فهو بيعمل كده عشان عنده مشكله من الشركه و
بمجرد ما هانحلله المشكله هايحتول غضبه وانا شغال عشان إحلله اى مشكله
بيواجهها
طب لو صديق لك فى العمل طلع معلومه غلط للعميل حتعمل ايه ؟
هاتقول
: الاول اصحح المعلومه له - لو كررها اقول للـ team manager ---( ليه بقى ؟
) عشان ممكن يكون هو جاهل بالمعلومه فى الاول و محتاج يتدرب اكتر على فهم
المنتج و دى حاجه طبعا ليها علاقه بسمعه الشركه
و السؤال دا بقا مهم جـــداًاًاً لــو
مديرك فى الشغل قلك تعمل حاجه و انت شايفها غلط او مش مقتنع بيها ..هاتعمل
إيه فى الحاله دى ؟؟هاتقول إنك هاتنفذ الكلام اللى بيتقالك زى ما وصلك
بالظبط من مديرك لأن هو بيكون متوافر عنده معلومات إداريه و بيتصرف و بياخد
قراره بناءاً عليها و أكيد مش هايقول على حاجه تضر الشركه و انا عدم
إفتناعى بالموضوع بيكون لجهلى بالمعلومات المتوفره للمدير
هايقولك يعنى هاتنفذ واله لأ ؟ هاتقول اه هانفذ
ممكن
يقولك حتى لو انت شابيفها غلط ؟ هاتقول انها مش هاتبقى غلط لان المدير هو
إللى قايل عليها و نجاح المدير فى نجاح الشركه لكن انا عندى نقص فى
المعلومات المتوافره عند المدير عشان كده هو عارف ان طلبه منى صح فى حين
إنى ممكن اكون شايفه غلط
و
خلوا بالكوا من نطق الإنجليزى و إنتوا بتتكلموا و اهم حااااجه الفرق بين
نطق ال P و ال B الأولى إسمها بى تقيله و بتنطق من طرف الشفاه و التانيه
إسمها بى خفيفه و بتنطق عادى زى ما كلنا بننطقهاالمشكله هى ان اغلبنا
مابنعملش فرق بين الاولى و التانيه و هما بيدققوا على كده
هاتقولك إيه هى مزاياك؟
هاتقول إنك صبور و هادىء الطباع و تجيد العمل تحت ضغط و تحب مساعدة الأخرين
هاتقولك طب إيه هى عيوبك؟؟
"طبعاً
المفروض السؤال ده ماتقولش على عيوبك الفعليه إنت هاتقول على حاجه فيك
كويسه بالنسبه للشركه بس كأنها حاجه الناس شايفاها عيب فيك"
فهاتقول مثلاً إنك بتحب شغلك زياده عن الحدود وده بيخليك تبقى مشغول دايماً عن أى حاجه تانيه حتى على حساب صحتك
هاتقولك إحيكلى عن موقف صعب مريت بيه فى حياتك و إزاى إاصرفت فيه؟
هاتجيب أى مشكله فى حياتك وكان ليك دور مهم فى حلها
طب شايف نفسك فين بعد سنتين فى الشركه ؟
هاتقول شايف إنى بقيت تيم ليدر
طب شايف نفسك فين بعد 3 سنين فى الشركه؟
هاتقول شايف إنى بقيت كستومر سيرفيس سوبرفايزر
طب شايف نفسك فين بعد 5 سنين فى الشركه؟
هاتقول
شايف إنى بقيت مدير لخدمة العملاء ( حتى لو انت ناوى تسيب الشركه بعد شهر
بس لازم تعرفهم إنك حابب الشركه وناوى تكمل فيها بقيت حياتك )
و بعض الأماكن بتسأل عن وظيفتك لو إنت حالياً شغال
و لو كنت شغال فى وظيفه و سبتها بتسألك سبتها ليه؟
و
الإجابه لازم ماتبقاش فيها مشاكل حصلت ولازم تكون إيجابيه مش سلبيه حتى لو
انت كنت مشيت من المكان بسبب مشكله معينه ماتقولهاشو أوعى تعيب فى مكان
عملك السابق او مديرك او زميل عمل سابق ليك
يعنى
ممكن نقول عشان مافيهاش فرص للترقى و انا طموحى و إجتهادى فى شغلى بيبقى
كبير فحسيت إنى بضيع وقت على الفاضى أقدر أستغله فى مكان أفضل أفيده و
أستفيد منه
و ممكن تقول حسيت إن العمل روتينى و بسيط و مابيزودليش خبره جديده فحبيت أروح مكان يثقل خبراتى و أفيده بيها
فى بعض الأماكن برضوا بتسألك أسئله شخصيه زى
عندك كام اخ وكام أخت؟
إيه درجتهم فى التعليم؟
إيه وظيفة الوالد و الوالده؟
انت كنت فى مدارس حكومه واله لغات؟
كمان ممكن تتسألوا عن ثورة 25 يناير
=======================
=======================
هناك اسئلة تعرض من مسئول الموارد البشرية اللي هو الـ الاتش ار وهي
اما تنجح فيها وتعدي منها وتدخل بعدها علي مدير المبيعات واما لاقدر الله
تفشل ويقول لك هنبقي نتصل بيك .....( لو سمعت كده يبقي كل سنه وانت طيب )
اسئلة
ال hr بتبقي عادية او استفزازية او غامضة علي حسب شخصية اللي بيعمل معاك
الانترفيو ممكن يكون رجل هادي او عصبي المزاج او طيب او شديد وانت هتعرف من
الكلام معاه
متحاولش تتكلم كتير بدون سبب الا لما يسالك وتجاوب علي اد السؤال ومتتفزلكش ومتكدبش
بعض الاسئلة اللي ممكن تتعرض ليها طبعا انا مش هقول بقي الاسئلة المعتادة اللي هي عرف نفسك والكلام ده انا هدخل علي المفيد علي طول
- بتبدا يومك الساعة كام .......... المقصود عاوز يعرف انت بتصحي بدري ونشيط ولا كسلان
- بتفضل
تشتغل كام ساعة ............... طبعا لان انت مقدم علي وظيفة مندوب
فمتذكرش اي وقت محدد متتفزلكش وتقول له 8 ساعات كده يبقي انت باي باي لان
وظيفة المندوب مش مقيدة بوقت ......تقول له اخلص شغلي بانتهاء العمل المكلف
بيه
- لو
زميلك في العمل بيضرب زيارات يعني بيخلع من الشغل وبيقول لرئيسه في
التليفون انه عن التاجر الفلاني هتعمل ايه ......... ترد ... اما هنصحه مرة
واتنين واقول له ان يحلل المرتب اللي بيقبضه وانه لو استمر في الفولس فيزت
انا هبلغ رئيسي المباشر ولو مستجبش تبلغ رئيسك علي طول
-
لو رحت لتاجر ولقيته عامل نفسه بيتكلم في التليفون ومشغول ومش عاوز يكلمك
ولا يرد عليه هتعمل ايه ....؟ ...........تقول ..... اما هجيله وقت تاني
يكون مزاجه كويس هيرد يقول لك افرض انك رحت مرة واتنين وعشرة وبرده رافض
يرد عليك تقوله ساعتها هبلغ مديري المباشر وهقول له اللي حصل وهو اكيد
بخبرته هيفيدني ويقول لي اتصرف ازاي ده الرد الصحيح
- لو
رحت لتاجر وهو ميعرفش اصلا اي حاجة وقال لك يا عم بضاعتكم تعبانه ومنتجكم
اي كلام وهو اصلا ميعرفش المنتج بتاع الشركة ولا عمرة شافه هتعمل ايه
............
اما تحاول تعرف هو بيقول كده بناءا عن ايه وتعرف منه هل فيه حد اشتكي منه
ولا ايه وتحاول تشرح له المنتج كويس وتذكر له جميع مميزات الشركة والعروض
والخصومات وجودة المنتج وتديله كام مثال ان التاجر الفلاني اخد منكم
والتاجر الفلاني شغال عليه من فترة وان محدش من العملاء اشتكي وممكن حضرتك
تاخد كمية صغيرة تكون بداية القرفة يمكن تسمع معاك وتطلب بعد كده طلبيات
كتيرة
- اكتر
مبلغ شيلته كان كام ............. المقصود منه عاوز يعرف انت تقدر تتحمل
مسئولية انك تشيل فلوس كتيرة ولا ايه نظامك وبتخاف من المبالغ الكبيرة لانك
كمندوب ممكن تشيل فلوس بمبالغ ..... تقوله طالما الواحد عنده ثقه في نفسه
وشجاعة ممكن يتحمل مسئولية اي حاجة وطالما انا اتحملت مسئولية توزيع وبيع
منتجات الشركة فاكيد هقدر اتحمل مسئولية اي مبالغ فهي ليست بكم المبلغ ولكن
بثقة الشخص في نفسه وبأمانته
- متحولش
تلف وتدور وتكدب لان اللي قدامك هيعرف هيعرف وخاصة في مجال المبيعات خليك
صريح وجريئ ومتتكسفش من اي حاجة فاللي قدامك زيك بالظبط بني ىدم
- ممكن
تدخل تعمل انترفيو تلاقي ادامك 3 اشخاص مدير المبيعات ومدير الموارد ومدير
الشركة .........اوعي تخاف ولا يجيلك رهبة .... اعتبر نفسك داخل كافيتريا
ولاقيت فيها واحد صاحبك وقاعد معاه ناس متعرفهمش اتعامل عادي وحط في دماغك
اني عاوز اثبت نفسي ادام نفسي واثبت لنفسي اني بعرف اتكلم واتعامل مع الناس
....... لما بتخاف وتتلجلج مبتعرفش تجاوب عن اي سؤال متحطش في دماغك اني
ممكن اجاوب غلط لا لا لا متخليش في دماغك اي حاجة ومتشغلش تفكيري هجاوب
ازاي اتكلم عادي وبطبيعتك متبصش في الارض محدش كاسر عينك ولا انت جاي تتسول
منهم هم اللي عاوزينك بدليل انهم اتصلوا بيك عشان تيجي تعمل مقابلة معاهم
ركز في عين اللي بيكلمك عينه ايوة عينه لان هو خايف اصلا ليفشل في المقابلة
هو كمان .......
دي
يا جماعة بعض الاسئلة المهمة اللي ممكن ناس كتير متعرفش ازاي ترد عليها
وتجاوب ولو اي حد تعرض لاي سؤال ومعرفش يجاوب ياريت يقوله وانا ان شاء الله
هجاوب عليه واساعده
دى كل الأسئله إللى بيسألوها فى مجال خدمة العملاء عامة
==========================
اسئلة مندوب المبيعات ومندوب التسويق
==========================
مندوب المبيعات :---------
==========
هو المسئول عن البيع وانتشار المنتج وتغطيه اكبر مساحة فى التوزيع ومتابعة السوق فى الطلبيات ومراقبة صلاحية منتجه فى السوق والتحصيل
يعني بتكون معروفة او شبه معروفة للعميل وده قد تم عن طريق مندوب التسويق
مندوب التسويق :---------
===========
هو
شخص يقوم بعملية ايصال فكرة المنتج او الخدمة الى العميل او المستهلك
والتنسيق معه على قبول فكرة المنتج او الخدمة وتطويرها وقياس درجة تقبل
السوق للمنتج او الخدمة الجديدة
بالبلدي
عندك سلعة مصنع لسه عاملها جديد محدش عارف عنها حاجة فبينزل مندوب التسويق
للعملاء بيعرض عليهم السلعة الجديدة ويعرفها ليهم ويشرح لهم كل حاجة عنها
زي
انواع الشيبسي مثلا الكتير اللي غرقت السوق زمان محدش كان عارف غير نوع
واحد بس دلوقت بقي فيه اكتر من نوع لكذا شركة فازاي انت تختار ايهما نوع
تشتري ......ده بيتم اما عن طريق التسويق للمنتج عبر التلفاز او الاعلانات
او اما عن طريق رجال التسويق
الاتنين
تقريبا واحد ليه ..........؟ ببساطة كده مندوب التسويق ده ليه بلان (
خريطة ) اللي هو خط سير مش العملية جهجهوني كده يعني مثلا فيه 20 عميل
هيروح ليهم انهاردة فيه مثلا 12 واحد اقتنعوا بالمنتج وهينزل مندوب
المبيعات بتاع نفس الشركة يوزع المنتجات دي علي العملاء ...... اذن مندوب
التسويق جاب كام عميل انهاردة 12 صح ............. لو نفرض كل يوم جاب 12
عميل في الشهر ...... عرفت النسبة بتاع مندوب التسويق تقريبا نفس مندوب
المبيعات
تتعامل
مع العملاء مباشرا وجها لوجه وده اصعب حاجة في الدنيا لانك بتتعامل مع
مختلف الشخصيات ومختلف الطباع ( المتعلم - الغير متعلم - العصبي - الطيب -
اللي عند لا مبالاه - الرخم - التنك - ..............الخ )
فانت
بتتاقلم مع كل شخصية وبتعامل كل واحد حسب دماغه وليس حسب دماغك انت وده
مهم جدا لان لو نفترض انك عصبي ورايح لواحد عصبي جدا فثق انكن اما هتمسكوا
في بعض او هتاخد بعضك وتمشي من غير ما تبيع ولذلك فانت لازم تكون هادي
الطباع لما تروح لواحد بالشخصية دي وتكون متفهم وصبور جدا وعندك طولة بال
ده يا جماعة مهم جدا انك تعرفه ولو مش هتعرف تكون كده فبلاش معاك شغل
المبيعات لانك كده مش هتنجح
فيه مواقف كتير ممكن تقابل مندوب المبيعات :
============================
-
ممكن تروح لتاجر وانت عارف انه موجود جوة وشايف عربيته راكنة بره بس فيه
عنده واحد شغال في المحل رخم جدا وبيغلس علي معظم المناديب لمجرد ان غيرك
بيظبطه وانت لا ....طيب تعمل ايه ...؟
اولا اما تظبطه انت كمان زي باقي مناديب الشركات وساعتها هتعرف تدخل تقابل التاجر
واما تتجاهله تماما وتحاول تجيب رقم تليفون التاجر وتكلمه وتاخد منه ميعاد وتعرف بس انك لما تيجي يخليهم يدخلوك تقابله
واما تعرف هو بيمشي امتي وتقابله علي باب المحل
بس اوعي تقول بناقص التاجر ده طيب لو كل التجار كده مش هتشتغل يعني ولا ايه .......؟
طيب لنفرض انك وانت بتحاسب التاجر كان في قلب الفلوس كام ورقة مضروبين هتعمل ايه هتلبسهم انت ولا ايه ...؟
لا طبعا انت اما بتعد الفلوس ادام التاجر ولو فيه حاجة بتطلعها له
واما
لو عديت لما روحت ولقيتهم بتتصل بيه فورا وتبلغوه اللي حصل وانك اخر تاجر
انا اخدت منه فلوس واكيد دي غلطه من حضرتك ( اقصد التاجر )
طيب
حاجة تانية افرض التاجر اللي بتتعامل معاه حابب يغلس وجالك بعد فترة من
اخذه للبضاعة وقال لك عاوز مثلا ارجع الـ 5 كراتين دول هتعمل ايه ....؟
والله
لانك طبعا مينفعش تتصرف من دماغك في المواقف اللي زي المرتجعات فالحل
الامثل تهرب منه بقول ...( طيب انا هتكلم مع مديري المباشر وهرد عليك بكرة )
وطبعا لما تكلم مديرك هو هيقول لك تعمل ايه ....
افرض
وانت شغال رايح لتاجر لقيت عنده مندوب لشركة تانية منافسه والتاجر اخد منه
وقال لك هصل منتجه ارخص وهو هو نفس المنتج والناس عاوزة الارخص .....
بص
هو انت لازم تتكلم معاه وتعرفه ان برده انتم الاصل في صناعة هذا المنتج
وتتميزون بالجودة وكمان عندك خصومات وعروض كتير للتجار اللي بياخدوا بضاعة
كتير كده بتشجعه انما حكاية السعر فانا اوعدك اني هنقل وجهه نظرك للادارة
وهي صاحبة التصرف اما الناس ميهمهاش غير السعر فانا مش معاك فكده لان فيه
حاجات مهما غلا تمنها الناس بردو عاوزها وبتفضلها علي منتجات بنفس النوع بس
لانها الاضمن والاحسن والافيد .........يعني زي ما بيقولوا لازم تعمل من
الفسيخ شربات
ولازم كمان تكون مقتنع تماما بالمنتج اللي انت نازل تبيعه مينفعش يكون مش عاجبك لانك مش هتعرف تتكلم عنه كويس وتقنع بيه حد
