قصص
دعت الله ان لا يلمسها الا زوجها
دعت الله ان لا يلمسها الا زوجها
يحكى فيقول ...انا شاب حاليا عندى ٢٩ سنه👦كان حصل معايا موقف زماان من حوالى ١١ سنه كان وقتها عندى ١٨ سنه وكنت ف يوم عيد وانا ف الوقت دا كنت فاشل وصايع وماليش كبير بكل معنى الكلام ده كنت شخص لا يليق بمسلم👎
ايوا بتكلم جد انا كنت بتفق مع صحابي نخرج ف العيد ونتحرش بالبنات👊 وحاجات كتير👋 اوى بس يوم العيد كان مختلف خرجت مع ٢ من صحابي✌ وبرضو عشان نتحرش كالعاده المهم ركبنا اتوبيس فانا لمحت بنت حلوه جدا فدخلت وسط الناس عايز اوصلها باى طريقه عاوز المسها ومصر على كده المهم قدرت اوصل لها فعلا ومنكرش أنى لمست جسمها بس بمجرد ما لمستها البنت كأنها اتكهربت😳 وبصتلى حته بصه والله عمرى ماشوفت البصه دى ف حياتى تحسوها بصه انكسار.😔 بصه واحده بتدعى عليا وخائفه تنطق عشان شكلها ادام الناس بصه بنت بتقول كان نفسي ميلمسنيش حد بصه خلتنى كرهت نفسي😒😔
المهم انا شوفتها كده بعدت عنها وحاولت احسسها أنى مقصدش عشان تخفى دموعها كان فى ست كبيره ف وشى فروحت ضحكت وبقولها ايه ياحجه احمد فين دا واحشنى اوى
ردت قالت ف البيت تعالى يلا لازم تيجى تشوفو ووقفت السواق ونزلنا كنت مستغرب اوووى وكنت خايف😓
رحت بعد منزلنا قلتلها انا معرفكيش قالت ولا أنا بس هقولك حاجه انا كان عندى احمد ومات💔 بس هقولك اللى كنت هقولو لابنى قبل لو كان ف مكانك ده
يابنى انت مش اد كلمه حسبي الله ونعم الوكيل👆💔
لازم تفوق لنفسك وبلاش اللى انت فيه لان نهايته وحشه جدا استغربت كلامها لانها كان باين عليها مثقفه جدا المهم مشيت معاها وسألتها انتى مين وبتتكلمى باسلوب حلو اوى💕
قالت انا استاذه ناديه ومديره مدرسه وعندى ولدين واحد دكتور بشرى والتانى صيدلى👍
وقتها فرحت اوى وفضلت تتكلم معايا وقالت تعالى هعرفك عليهم ورحت معاها فعلا👍👍
وشوفتهم ماشاء الله ايه النور ده ايه البيت المريح ده ايه الام دى ماشاء الله❤
المهم حكيت ليهم عنى وان والدتى متوفيه ووالدى مبيسألش عليا بس برغم كل حاجه كنت متفوق ف دراستي ودخلت هندسه وبقو دول عيلتى كلها تقدرو تقولو الست دى ربتنى من اول وجديد❤
خلتنى انسان تانى
لدرجه أنى اتحولت ربيت دقنى✋❤ وسبحان من زين وجوه الرجال باللحى حسيت نفسي فى وقار والله فعلا اللحيه وقار
المهم خلصت كليه الهندسه واشتغلت وبقيت انسان له كيان الحمد لله ابويا بدأ يحبنى ويسأل عليا لانى معظم اليوم كنت ببقى مع الشباب هنا واروح ع النوم وف يوم بقا اليوم بتاع كل الشاب لما والدته تحب تفرح بيه ههههه☺
جت امى اللى هى الست اللى ربتنى❤ وقالت عايزين نخطبلك بقا قلتلها اختاري انتى بس تكون زيك وهزرنا واخواتى فرحو أنى موافق على اى حاجه يقولوها
المهم اخويا الكبير الدكتور البشري قالى ليا اخت❤👍 صاحبي وناس محترمه تيجى تشوفها هى لسه منتقبه من ٦ شهور😍
وافقت وقلت طبعا يلا بينا خدت والدى واخواتى الشباب و روحنا. قالو هتقعد معاها وتشوفها وكده فجت البنت وقعدت ومبصتش ليا وبعدها انا اتكلمت لما هى قعدت وبقولها ازيك وعامله😊 ايه وكده المهم هى التفت ليا فجأه ووقفت معرفش هى عملت كده ليه😯😳
المهم انا وقفت وبقولها في ايه مالك قالت مفيش وفضلت تبصلى وعيونها فيها دموع😭 فكرتنى بنظره البنت اللى ف الاتوبيس اللى والله مافارقت خيالى لحظه😟
المهم فضلت استحلفها تقول في ايه مردتش المهم قعدت فلاقيتها بتقول انت موافق عليا😊
قلتلها اه انا مرتاح والبيت كله فيه راحه
قالت انا موافقه بس بشرط مش هتشوفينى الا يوم كتب الكتاب😉😊
استغربت جدا وبقولها ليه قالت ده شرطى المهم لاقيت نفسى وافقت وتمت الخطوبه ويوم عقد القران دخلت جرى اشوفها عايز بقا اشوف مراتى😍
دخلت الغرفه وهى مديانى ضهرها كده فبهزر وبقولها اوعى تقولى مش هتشوفنى الا يوم الفرح هقتلك ههههه😂😈
لاقيتها التفتت ليا وطلعت هى البنت اللى أنا كنت عاوز اتحرش بيها زمان 😧😳ايوا هى البنت اللى لمستها😢😧
وقتها لاقيت دموع غريبه نزلت من عيونى وبقولها انتى وافقتى ليه عشان تنتقمى منى؟😉😊
قالت لاء والله عشان من يوم الموضوع ده دعيت ربنا يهديك ويرزقنى بيك لانى كنت بدعى ربنا محدش يلمسنى الا جوزى👫 وقتها جسمى كله فيه رعشه من الفرح ومحستش بنفسى الا وانا بحضنها💏ف وسط اهلها مش عايز اقول أنى فضلت حاضنها نص ساعه كامله وانا اعيط وهى بتعيط الكل كان مستغرب
انا وقتها حسيت أن ربنا سامحنى على اللى عملته زمان وهى حست أن ربنا استجاب ليها☝❤
حب كبير ملى قلبي ليها ف اليوم ده
وبعدها باسبوع تمت الزواج وعملنا عمره وابتدينا حياتنا
اللى نقدر نخرجه به من القصه دى ان كما تدين تدان وان الايام هتلف بيك وربنا هيذكرك باللى عملته زمان ممكن يحصل فى اهلك فى بنتك اختك
{وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}
