من أغرب قضايا الطب الشرعي في مصر
من أغرب قضايا الطب الشرعي في مصر
 |
| من أغرب قضايا الطب الشرعي في مصر |
قضيتين من أغرب قضايا الطب الشرعي في مصر ( فيه قضايا أكثر غرابة ) بس الميزة في القضيتين دول أن الطب الشرعي فك ألغازهم
بالمناسبة أغرب قضية - معروفة - في مصر هي مذبحة بني مزار 2005 ( تم نشرها )
الحادثتين دول حصلوا أيام الإحتلال الإنجليزي لمصر و كان كبير الأطباء الشرعيين ساعتها طبيب إنجليزي عبقري إسمه ( سيدني سميث )
الحادثة الأولي،،
تم العثور علي عظمة فخذ و عظمة ساق مثقوبة و عظمة حوض في بئر جافة بإحدي قري الصعيد ( بس كده )
تقرير الطب الشرعي طلع كده
العظام لفتاة سنها ما بين ال 22 و ال 25 ، متزوجة و لديها طفل علي الأقل، مصابة بالسكر و الأنيميا، فصيلة دمها A+، طولها 168 سم ، أصيبت بطلق ناري خطأ من بندقية خرطوش بواسطة والدها أو زوجها ، توفيت بعد حوالي أسبوعين من إصابتها ؟؟!!!!!!! ؟
بالبحث عن المفقودين في المنطقة وجدوا فتاة مختفية بالفعل و بالتحريات اكتشفوا أن والدها الخفير النطامي أصابها بالخطأ من بندقيته و حاول علاجها و لكنها ماتت بعد 13 يوم متأثرة بجراحها و ألقي جثتها بالبئر بالاتفاق مع زوجها خشية المساءلة
اقرأ أيضًا: مراحل الموت
الحادثة التانية
عمدة القرية قاعد بيتغدي في البرندة بتاعت الدوار 😊 قدامه طبق شوربة،، و هو بيشرب سمع صوت طنين فوق دماغه و هوب ، حاجة كده وقعت في الشوربة
بيمسكها لقيها رصاصة ،، أيوة رصاصة
ابعت يا بني علي الطب الشرعي من غير أي تفاصيل 😊😊
تقرير الطب الشرعي ( ركزوا معايا أكتر )
الرصاصة دي مضروبة من مسافة قريبة جداً علي واحد لابس جلابية صوف كحلي 😊 و تحتها فانلة قطن بيضاء و دخلت و خرجت من جسمه و بعدين خبطت في حيطة مدهونة جير وردي و بعدين وقعت في طبق شوربة 😊😊😊
و فعلاً كان الكلام صح
الظابط اتجنن و قال دول بيشعوذوا في مصلحة الطب الشرعي، طلب يقابل كبير الأطباء الشرعيين علشان يشرحله
و فعلاً شرحله عرف إزاي التفاصيل دي ؟ و بشكل علمي جدا !!
حل القضية الأولي
السن بيتعرف من حاجة إسمها Epiphyseal line أو خط النمو و ده موجود في بداية و نهاية كل عظمة
الطول بيتعرف من ( طول عظمة الفخذ مضروب في 4 )
موضوع الولادة من تغيرات بتحصل في عظمة الحوض و الفخذ و كمان من ال Density أو كثافة العظام
فصيلة الدم و الإصابة بالسكر و الأنيميا من تحليل النخاع العظمي
القتل خطأ بسبب إن فتحة خروج الرصاصة أعلي من فتحة الدخول ( بشكل مائل ) و خرطوش علشان انتشار الإصابة حول مكان دخول الرصاصة
ماتت بعد أسبوعين و ده بيبان من حاجة إسمها Osteomyelitis او إلتهاب العظام التقيحي ( بيزيد أو يقل حسب مدة الإصابة )
موضوع أبوها أو زوجها علشان وقت وقوع الحادث 1917 كان صعب جداً الست تتعامل مع رجالة غير الأقارب من الدرجة الأولى
حل القضية التانية
تحليل الرصاصة أظهر وجود طبقات علي سطح الرصاصة ترتيبها ( صوف كحلي، نسيج قطني، أنسجة بشرية Tissues و Muscles و بقايا عظمية و بالعكس
و فوق ده كله طبقة رقيقة من الجير الوردي
و الخليط ده كله لزج و كأنه اتحط في سائل ( طبق الشوربة )
بعد و قرب مصدر الرصاصة بيتحدد من حاجة إسمها Bullet Track و Bevelling بتاع الرصاصة
- أخيرا عاوز أقولك ان دا حصل فعلا .
